(ភ្នំពេញ)៖ កម្លាំងសមត្ថកិច្ចព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានឆ្មក់បង្ក្រាបទីតាំងកន្លែងលេងល្បែងស៊ីសងមួយកន្លែងទ្រង់ទ្រាយធំ ឃាត់ខ្លួនមនុស្សប្រុសស្រី ១០០នាក់ជាង ក្នុងនោះមានជនជាតិបរទេស និងជនជាតិខ្មែរផងដែរ។
ប្រតិបត្តិការនេះ បានធ្វើឡើង កាលពីវេលាម៉ោង ០៩៖៣០នាទីយប់ ថ្ងៃទី២៦ ខែឧសភា ឆ្នាំ២០២៦ ស្ថិតនៅផ្សារចិន សង្កាត់ទន្លេបាសាក់ ខណ្ឌចំការមន រាជធានីភ្នំពេញ រហូតដល់ម៉ោង ០៤៖៣០នាទីទៀបភ្លឺ ថ្ងៃទី២៧ ខែឧសភា ឆ្នាំ២០២៦ ទើបបញ្ចប់ប្រតិបត្តិការខាងលើ។
បច្ចុប្បន្នមនុស្សប្រុសស្រីទាំង ១០០នាក់ជាងនោះ ត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួរ និងបន្តតាមនីតិវិធីច្បាប់៕
