បទល្មើសនេសាទ កើតឡើងព្រោងព្រាតពេញផ្ទៃបឹង ក្នុងឃុំជាច្រេីន ស្ថិតក្នុងមូលដ្ឋាន ស្រុកស្អាង ខេត្តកណ្តាល ជំនាញជលផលតាំងពីថ្នាក់ខេត្ត ដល់ថ្នាក់ស្រុក ខ្លាចប្រឡាក់ជេីងខោ សម្ងំនៅតែក្នុងប៊ុយរ៉ូ ចាំតែទទួលផលប្រយោជន៍.!
(ស្រុកស្អាង/ខេត្តកណ្តាល) ប្រជាពលរដ្ឋបានរាយការណ៍មក អង្គភាពសារព័ត៌មានយើងឲ្យដឹងថា គិតចាប់តាំងពីរដូវប្រកាសបិទនេសាទ រហូតបេីកឲ្យនេសាទ ពួកគាត់សង្កេតឃើញ នៅចំណុចបឹងចុងព្រែកចិន.ចុងព្រែកតាអុក.ចុងព្រែករាំង និងបឹងខ្ពស់ ព្រមទាំងទីតាំងជាច្រើនទៀត ក្នុងមូលដ្ឋានស្រុកស្អាង មានបទល្មើសនេសាទ ច្រើនស្អេកស្កះពេញផ្ទៃបឹង សឹងតែរកផ្លូវបើកទូក ទៅមុខមិនរួចទេ។ ពួកគាត់បន្តថាបទល្មើសទាំងនោះកើតមានតាំងតែពីរមុនខែតុលាមកម្ល៉េះ គឺក្នុងរដូវបិទការនេសាទរហូតមកដល់បច្ចុប្បន្ននេះ មិនដែលឃើញមានមន្រ្តីជលផលស្រុកស្អាង និងខេត្តកណ្តាល ណាចុះធ្វើការបង្រ្កាប នោះឡើយ។ បទល្មើសនេសាទទាំងនោះរួមមានដូចជា សកម្មភាពឆក់ត្រី: ឆក់ក្តៅនិងឆក់ត្រជាក់ តាមព្រែកចិននិងក្នុងបឹង មានការដាក់ដាយត្រី ចំនួន៤ ទៅ៥ទីតាំង នៅតាមព្រែកចិន ព្រែកតាអុក និងព្រែករាំង។…